معلومه مهمه جدا للزمن

السلام عليكم ورحمه الله وبركاته
الموضوع النهارده ولا خاطره ولا قصه ولا اى حاجه هو موضوع عادى شويه
زى معلومه كده
هسال سؤال واحد
الكاتب او المؤلف الناس دول يعنى لما بيكتبوا اغنيه او شعر او مسلسل او فيلم بيكون ده حياتهم الشخصيه اكيد لا
مش هننكر ان فى جزء من كتاباتهم دى تتعلق بيهم بس مش كلها
ممكن تكون الكتابات دى تجربه حد قريب ليهم عاشها
اصحابهم جيرانهم موقف شافوه لحد غريب فكتبوا عنه
تجربه الفوها من دماغهم حاجات كتير مش شرط تجربه شخصيه صح ولا انا غلطانه
كل الموضوع دلوقتى
اكيد انا مش كاتبه خالص ولا اوصل انى اكون كاتبه اللى بكتبه ده مجرد حاجات عبيطه كده
بس اللى عاوزه الناس تعرفه ان مش كل حاجه بتكتب بتكون عليا انا
ممكن حد من اصحابى حد قريبى مسلسل عجبنى وكتبت عنه حاجات كتير مش شرط كل حاجه اكتبه تكون تجربه شخصيه ليا
ممكن اكون قاعده كده ولاقيت كلام جه فى دماغى فكتبته حتى من غير موقف
انا بقول كده لان فى ناس كتير بتتوقع وبل بتتاكد ان كل خاطره او قصه بتكون عليا انا شخصيا
وبيالفوا هما عليها قصه
وبجد الموضوع ده بيضايقنى
ابسط حاجه اخر موضوع
اكيد اكيد اكيد مش عليا بس مجرد تجربه لحد تانى فكتبت عنها
ومواضيع كتير
بجد بتمنى ان الناس تفكر صح شويه وبلاش كل حاجه نالف عليها قصص
اصل مش كمان التدوين بقه محرم وعيب دا الواحد بقه بيخاف بجد يقول سلام عليكم احسن يتالف عليها قصص
وفى النهايه محدش يزعل منى بس حط فى دماغك ان النهارده لو ظنيت سوء بحد بكره والله العظيم هيتظن سوء بيك
كما تدين تدان
سلام

حــــــــــــائره

انها حائره دائما ولا تعرف هل يحبها كم تحبه هل يشعر بما تشعر به هل يرتجف من شده السعاده عند رويتها
ام هو لا يعلم بوجودها ولا يراها ولا يشعر بما تشعر به
فكل ما تعرفه هو انه
جعلها تسبح فى بحر عينا وتركها تواجه الريح وحدها وسط هذا البحر العميق
فعندما تنظر الى عينا ترا فيهم اشياء كثيره ومعانى اكثر تشعر بجنون الحب ونشوة السعاده
فعينا تبعث فى روحها نوع خاص من المشاعر لما تشعر به من قبل
تشعر وكانها اميرة هذا الكون باثره
تشعر بانها فى عالم اخر عالم تحلق فيه وحدها كعصفورة صغيره ترفرف باجناحتها لكى تطير فى السماء
فهى معه كتلك العصفوره كانت فتاه صغيره
تجهل كل هذا المشاعر كانت تعشق الجميع ولكن لما توجه هذا الشعور من قبل
معه فقط بدا ياخذ بيدها كطفله صغيره تتعلم ان تخطو اولى خطواتها فى عالم العشق
فعندما تتلاقى عيونهم كانت تجد نظره غريبه تحمل معانى كثير ولكنها لا تعلم هل هو يعنى هذه المعانى ام لا
ولكن كل ما تعرفه هو انها اصبحت اسيره لتلك النظره
فانها تقطع اوصالها وتشتت افكارها وتجعلها
حـــــــــــــــــــائره فى عالم حبه